Onte foi un día especial no noso colexio: celebramos San Francisco de Asís. Os días previos, as alumnas e alumnos de primaria e secundaria participaron conxuntamente na confección dun cómic sobre a súa vida. Os máis pequeniños elaboraron un crebacabezas coas súas mestras xunto coa TAU de Francisco que despois luciron nun colgante. Onte, 4 de outubro, o día principal, honramos a San Francisco con distintos actos: unha celebración para os pequenos de primaria (de 1º a 4º) e unha Eucaristía para 5º, 6º e Secundaria. En ambos actos, vídeos, cánticos, lecturas e oracións achegáronos un pouquiño máis á vida de San Francisco e ao amor sen límites que el predicou e practicou.E non podían faltar nesta festividade os nosos pequeniños do cole, que hoxe fixeron a súa particular homenaxe a San Francisco coa ledicia e o agarimo que os caracteriza.