DÍA INTERNACIONAL DO LIBRO



DÍA INTERNACIONAL DO LIBRO

?? Hoxe, 23 de abril, celébrase en todo o mundo o Día Internacional do Libro.

Como non podía ser doutra forma, e como todos os anos, temos programadas unha serie de actividades ó longo da semana para celebrar este acontecemento cultural.

?? A primeira hora o alumnado atopouse co centro decorado para tal fin. Nas escaleiras de acceso ó primeiro piso instaláronse imaxes de lomos e de portadas de obras literarias importantes da nosa literatura. Do mesmo xeito, o corredor de entrada do alumnado decorouse con carteis que explican o significado deste día tan especial e de diferentes tarxetas con debuxos representativos de determinadas obras literarias, aos que se engadiron fragmentos das mesmas e debuxos con personaxes literarias moi coñecidas.

O xoves, 25 de abril, recibiremos no noso centro á escritora galega Ledicia Costa, Premio Nacional de Literatura infantil e xuvenil de España en 2015 e autora de obras tan famosas como Recinto gris e A señorita Babel.

O venres, 26 de abril, gozaremos da representación teatral Restaurante Farruco, representada polo alumnado de 4º EP do noso colexio (ESO pola mañá e EP e EI pola tarde). Divertida peza teatral nun acto, onde Chus Pereiro xoga coa rima para presentar a ritmo trepidante a xornada que se vive nun restaurante moi especial.

O martes, 30 de abril, visitará o noso centro un animador á lectura que fará as ledicias do alumnado de 1º EP a 4º EP.

Día Internacional Do Libro

 

 


Comments are closed.